TUPI, SOUTH COTABATO – Nakahanda ang tag-iya sang bakeshop sa banwa sang Tupi nga pagaatubangon ang anuman nga responsibilidad kag magakooperar sa mga otoridad makaligad ang nagluntad nga food poisoning sa isa ka pamilya nga nagkaon sang tinapay halin sa iya bakery.
Suno kay Rose Rabia, nakahanda siya nga buligan ang mga nabiktima sa pamilya Kayawi nga nakakaon sang double buddy nga tinapay kag nakaeksperyensya sang pagpalanuka kag pagpalanakit sang tiyan.
Pamatuod suno pa sini ang pagsirado anay sa iya bakery agud kumustahon ang mga biktima sang food poisoning.
Nagapangayo man ini sang pasaylo sa natabo kag ginpromisa nga kinahanglan nga i-improve ang ila paghandle sa kondisyon kag mangin strikto sa ila management.
Nahibaluan nga ini ang una nga tion nga natabo sa nasambit nga bakery sa sulod sang pito ka bulan nila nga operasyon.
