SWS – Kadam-an sa mga Pilipino wala nagbag-o ang kalidad sang kabuhi

Wala nagbag-o ang kalidad sang kabuhi sang kadam-an sa mga Pilipino sang nagligad nga tuig, diin isa lang sa tatlo ang nagasiling nga nag-ayo ini, suno sa bag-o nga survey sang Social Weather Stations (SWS).

Nakita sa resulta nga 45 porsiyento sang mga respondents nga ginhimo halin Marso 21 tubtub 25 ang nagasiling nga pareho lang ang kalidad sang ila kabuhi sa nagligad nga 12 ka bulan.

Sa pihak nga bahin, 30 porsiyento naman ang nagsiling nga nag-ayo ang kalidad sang ila kabuhi, samtang 25 porsiyento ang nagsiling nga naglain ini.

Ang pinakahuling resulta sang survey pareho man sa ginahimo sang SWS sang Disyembre 2023.