KORONADAL CITY- Kulukasubong nga dako ang kaibahan pag-abot sa swelduhanay sang mga nurses sa luwas sang pungsod kumpara sa pungsod Pilipinas.
Ini ang ginpahayag Ms. Jocelyn Andamo-Secretary General FNU sa interbyu sang Bombo Radyo Koronadal.
Suno sa iya, tuman ang pagpangabay nga mapalab-ot sa kay President Bongbong Marcos Jr. nga kuntani pamatian ang ila nga hinanaing nga mga nurses agud nga indi na sila magaluwas pa sa pungsod.
Dugang pa sini, nga sa subong kulang katama sa pungsod ang mga nurses bangud nilibo-libo ka mga nurses ang nagaluwas taga bulan bangud nagahangop sang dako nga sahod sa iban nga pungsod agud nga makaahon man sa kapigaduhon bangud sa tuman naman ka mahal sang mga balaklon sa karun.
Bangud diri, gahangyo ini nga sa bang-o nga administrasyon sang bag-o nga Presidente nga tagaan man sang ligwa nga pagatutukan man ang salary increase sang mga nurse ukon indi lamang ang mga nurses kundi ang iban pa nga sahi ka mga panggobyerno nga mga ubra bangud sa kulukasubong man nga sitwasyon nga kung sa diin tuman ka pigado kag naga mahal ang mga produkto sang mga balaklon.
