Gintalakay na sang Nationalist People’s Coalition ang pagpahalin kay suspended Mayor Alice Guo sa partido.
Matandaan, ini ang ginrekomendar ni Senador Sherwin Gatchalian, miyembro sang NPC advisory council bangud sa pagkaulamid sang alkalde sa mga iligal nga buluhaton kag sindikato sa POGO kag agud mapabilin ang integridad sang partido.
Suno kay Gatchalian, sa mga masunod nga semana target nila ini nga hinalaan kun magconvene na ang council.
Pabor man si Senador Loren Legarda nga kakason na sa NPC si Guo.
Pagagamiton nila nga ebidensya agud mapahalin si Guo amu angmga findings nga natipon sa imbestigasyon sang Senado.
Nagapati si Gatchalian nga may bastante nga grounds agud mapahalin sa NPC ang alkalde ilabi na ang tanan nga mga dokumento nga nakapangalan kay Guo ang lunsay kwestyonable.
