KORONADAL CITY- Yara na sa karon sa kustodiya sang mga kapulisan ang mga suspek sa pagpatay kag pagtorture kay Jay ar alyas Tata Ula sa Brgy. Crossing Kablon, Tupi South Cotabato.
Ini ang kumpirmasyon sa Bombo Radyo ni PMS Rea Luz Gatinao, PIO sang Tupi MPS.
Suno sa opisyal, ginkilala ang mga suspek nga sanday Ricky Bordago kag Bimbo Panansang nga lunsay mga residente man sang banwa sang Tupi, South Cotabato.
Ginpahayag sini nga Sa bulig sang Commission on Human Rights Region XII kag mga himata sang mga suspek, nagsungka ang mga ini sa Tupi MPS.
Sandig naman sa ila nga inisyal nga imbestigasyon, personal grudge ang ginatan aw nga motibo sa amo nga krimen.
Mag updanay suno pa sa trabaho ang biktima kag mga suspek sang tion nga naga inom inom sila ang sila ang may gin baisan rason nga nahimo ang pagpatay kay Alyas Tata.
Kung madumduman, ginbilin lamang ang patay nga lawas ni Jay-r o kun Tata ula sa crossing kablon lapit sa mga pinyahan sa Tupi South Cotabato.
Posible nga ginpaantos anay ang ila nga himata antes nga ginpatay.
Gingurot ang matalom nga bagay ang li-og sang biktima nga nangin tunaan sang iya nga mapait nga kamatayon, magluwas pa diri, ginkuhaan pa sang mga kuko sa tudlo sang tiil ang biktima nga ginpatihan man nga gin pulpog-anay sang matig-a nga bagay.
Sa karon, maga pangatubang sang kaso nga Murder ang mga nasambit nga suspek//
