KORONADAL CITY– Yara na sa kustodiya sang mga otoridad ang suspek nga gina-elegar nga swindler matapos ang ginpatigayon nga entrapment operation sang PNP sa banwa sang Lake Sebu, South Cotabato.
Suno kay Police Major Nathaniel Panaguiton, hepe sang Lake Sebu PNP ginkilala ang suspek nga si Josephine Villarosa.
Ginpahayag ni Panaguiton nga ginlunsar sang ila nga bahin ang entrapment operation batuk kay Villarosa makaligad ang pagpanugid sang suno pa biktima sini nga gintunton suno pa sang suspek makaligad ang pagbayad sang P100,000.
Modus suno pa sang suspek nga mag-engganyo sa mga biktima nga magbayad sang dako nga kantidad katal-os sang pagkuha sang Masteral Degree sa University of Southeast Philippines sa Davao City.
Apang nagagwa naman sa imbestigasyon sang mga otoridad nga indi konektado sa nasambit nga unibersidad si Villarosa kag peke suno pa ang pagpakig-transaksyon sini.
Narekober naman sa suspek ang P6,000 sa ginpatigayon nga entrapment operation.
Sa karon, nagapangatubang na sa kaso nga swindling kag estafa ang nasambit nga suspek.
