Yara na sa kustodiya sang Carmen Municipal Police Station ang isa ka rape suspect matapos nga madakpan sang ginserbe ang warrant of arrest sa iya sa Brgy. Aroman, Carmen, Cotabato subong nga adlaw sang Huwebes, Oktubre 10, 2024.
Sa report sang Carmen MPS, kalakip sa listahan sang mga Top Most wanted person sa nasambit nga probinsiya ang gindakop nga suspek nga si alyas “Dodok”, 36-anyos, wala sang asawa, kag residente sang nasambit nga lugar.
Alas- 8:07 sang aga sang gin-arestar ang suspek matapos nga matukiban sang operating troops ang likasyon sini.
Si Dodok ang may kaso nga Rape nga gin-isyu ni Judge Alandrex Betoya, Regional Trial Court 12th Judicial Region Branch 16, Kabacan, Cotabato sang October 08, 2024 nga wala sang ginrekomendar nga piyansa.
