KORONADAL CITY – Naghatag sang panibag-o nga update si PRO BAR Regional Directr PBGen. Allan Nobleza kung sa diin diri nakumpirma sa ila nga imbestigasyon nga ang anay nga estudyante sang Mindanao State University Marawi amo si Cadapi Mimbesa nga isa sa person of interest sa nagluntad nga pagpamomba sa eskwelahan.
Samtang ginpasakaan na sang kaso nga Obstruction of Justice kag pagabyolar sa R.A. 9516 ang nadakpan nga suspek nga si alyas Kurot samtang naghiwat man sang manhunt operation batok sa iban pa nga mga suspek sa nagluntad nga MSU Marawi City Bombing.
Madumduman nga sang Disyembre 10 sang naasresto ang duha ka suspek nga suno pa, ginapatihan nga mga suspek sa pagpamboba nga ginkilala nga sanday alyas Engineer kag alyas Lapitos sa Lumbayanague sa Lanao del Sur kag aktibo nga mga tagasuporta sang Dawlah Islamiyah Maute Group.
May warrant of arrest man ang duha nga naaresto nga suspek. Sa karon mas ginpasangkad ang seguridad sa bug-os nga rehiyon. Nagdugang naman sang mga checkpoint kag police visibility agud malikawan ang anuman nga mga krimen sa lugar.
