Suspek sa pagkuha sang bata, ginapatihan naga-eksperyensya sang post-partum syndrome

Naga-eksperyensya sang post-partum syndrome ang babae nga nagkuha sang bag-o lang natawo nga bata sa South Cotabato Provincial Hospital.

Ini ang nangin pahayag ni Reybell Maladian Caliawan – pakaisa sang iloy sang bata sa interview sang Bombo Radyo Koronadal. Suno kay Caliawan, gusto nila nga personal maka-storya si Alyas Princess, ang suspek, bangod nagapati sila nga indi ini malain nga tawo, labi na ginbaklan pa sang suspek sang gamit ang bata.

Nahibal-an man mga may pila nakakilala kay Princess kag nagsiling nga nagbata ini siya apang nadulaan man. Ang suspek ang taga Lutayan, Sultan Kudarat.

Sa karon, yara sa kustodiya sang Koronadal City Police ang suspek kag manabat sa iya ginhimo.