KORONADAL CITY – Natumod na sang kapulisan ang suspek sa natabo nga pagpasigabong sang Improvised Explosive Device (IED) sa detachment sang 12th Mechanize Company sang 2nd Mechanize Battalion sang Philippine Army sa Brgy. Saliao, Esperanza Sultan Kudarat.
Inia ng ginkumpirmar ni Police Senior Supt. James Gulmatico, provincial director sang Sultan Kudarat sa interbyu sang Bombo Radyo Koronadal.
Suno kay Gulmatico, magluwas sa nagsigabong nga IED, narekober naman ang M67 hand fragmentation grenade nga napunggan nga magsigabong.
Nahibaluan nga nagsigabong mismo ang IED sa sulod sang compound sang military detachment pasado alas-7, Sabado sang gab-i samtang kahapon sang aga naman narekober ang isa ka granada.
Nagpasalamat naman ang mga otoridad nga wala sang may napilasan sa insidente.
Dako naman ang pagpati ni Gulmatico nga pagpanghadlok kag luyag nga ibutang lamang sa kahuy-anan sang suspek ang mga otoridad rason nga ginhimo ang pagpasigabong.
