Yara na sa kustodiya sa subong sang kapulisan ang suspek sa pagpanglugos kag pagpatay sa isa ka 6 ka tuig nga bata nga babaye sa banwa sang Isulan, Sultan Kudarat.
Sa ekslusibo nga interbyu sang Bombo Radyo Koronadal kay PMaj. Joseph Forro III, hepe sang Banga MPS, nakipag-angot suno pa ang Isulan PNP sa ila makaligad nga mahibaluan nga sa banwa sang Banga nagatago ang suspek kabangdanan nga gilayon sila nga nagpatigayon sang operasyon.
Suno pa, isa ka brgy kapitan ang gilayon nga nagreport saila nga daw may yara sang bag-uhanon nga indibidwal ang nagsulod sa ila lugar kabangdanan nga gilayon nila inin ginpadulngan kag didto nakumpirmar nga ini ang ila ginapangita nga suspetsado.
Nadakop ang suspek sa isa ka suludlon nga bahin sang nasambit nga banwa kag ila man ginsuko sa ISULAN PNP kun sa diin naka-kustodiya sa subong.
Wala naman ginpangalanan ni Forro ang suspek apang yara na sa 40-anyos ang edad sini.
Sa subong, nagapadayon ang imbestigasyon sa kaso kag ang motibo kun ngaa nahimo ini sang suspek.
Kun madumduman, nakit-an na lamang nga wala na sang kabuhi ang biktima kag nakahigda sa gilid sang sapa samtang nakapanaog na ang shorts sini.
