KORONADAL CITY – Personal nga ginsaysay sa Bombo Radyo Koronadal ni Rose Marie Maladja sang Norala South Cotabato ang iya na-eksperyensyahan sa Saudi Arabia antes pa man makaluwas sa mapintas nga amo.
Suno kay Rose, 3 months lang ini nga nagtinir sa Middle East bangud nangin abusador ang amo sini ilabi na ang iya amo nga babaye.
Dugang pa sini nga lakip sa mga pagpang abuso nga iya naagum ang indi pagpakaon sa iya sang husto, 2 ka oras nga pahuway, pagkumpiskar sa iya cellphone kag pagkulata sa iya.
Bangud sa iya nga kahadlok kag indi maagwantahan nga batasan sang babayi nga amo naglumpat ni sa balay sang iya mga amo kag naghana na magpalagyo apang liwat naman ini nadakpan sa liwat apang sa kaluoy sang amo nga lalaki tigayon nga nakapauli sa Pilipinas.
Nahibaluan nga kadungan niya sini nga nagpadulong sa middle east ang utod nga si Rosalie Tiwan apang nauna lamang sya makapauli kun sa diin ang utod nga si Rosalie ang biktima man sang pagpangmaltratar kun sa diin sang nakaligad lamang nga adlaw nila gindangat sa waragwagan ang problema sini apang natalana na nga magpauli sa South Cotabato.
Kaangot sini, apela ni Rose Marie sa gobyerno nga hatagan sang igtalupangod ang kaluwasan sang mga OFW sa Middle East kundi mangin sa mga mapang-abuso nga agency man nga wala nagasabat sa mga may problema nga mga pinoy workers.
