-- ADVERTISEMENT --
KORONADAL CITY-Manami ang ginapakita nga performance sang bag-o nga hepe sang Criminal Investigation and Detection Group okun CIDG XII nga si P/Supt. Marvin Marcos.
Ini ang nangin pahayag ni Police Regional Office 12 Regional Director P/Chief Supt. Cedrick Train sa interbyu sang Bombo Radyo.
Suno kay Train, personal niya nga ginabisita ang kontrobersiyal nga pulis kag wala siya sang nakit-an nga problema sa pagpamuno sang opisyal sa CIDG sa pihak sang pag-angot sa iya sa pagpatay kay Albuera, Leyte Mayor Rolando Espinosa Sr.
Kaangot sini, ginpahayag ni Chief Train nga nagalaum sila nga magapadayon ang manami nga performance ni Marcos sa Socksargen Region sa pihak sang ginapangatubang sini nga kaso nga administratibo.
