KORONADAL CITY – Makabig nga isa ka dako nga kadungganan sa patag sang athletics ang mga record-breaking kag historic moments nga natabo sa bag-o gid lamang nagtakop nga 30th Southeast Asian Games kun diin over-all champion ang Pilipinas.
Sa interbyu sang Bombo Radyo Koronadal kay athletics coach Eduardo Buenavista, ginkalipay sini nga bangud sa padayon nga pagpaningkamot sang mga atleta, nadugangan pa sang tatlo ka bulawan nga medalya ang pungsod sa patag sang athletics.
Kalakip na diri ang kadalag-an ni Christine Hallasgo sa marathon event, kag ang ginbansagan sang iban nga bag-o nga Sprint Queen nga si Kristina Marie Knott nga isa ka Filipino-American sa 400 meter run.
Ini makaligad ma-break ni Knott ang long-time record ni Lydia de Vega sadtong dekada 80 sa record na 23.07 sa naturang event.
Suno kay coach Buenavista, dako ang nangin kontribusyon sang pagbubo sang suporta sa ila rason nga nagdako ang ila nga tsansa kag nagdaug sa mga event.
Bangud sini, nag-apela sang padayon nga suporta si coach Buenavista para sa tanan nga magahampang sa Olympics.
