KORONADAL CITY – Ginpasiguro sa karon sang Bureau of Fisheries and Aquatic Resources ukon BFAR -12 na stable ang suplay sang isda sa bug-os nga rehiyon-12.
Sa interbyu sang Bombo Radyo Koronadal kay BFAR-12 Regional Director Usop Pendaliday Jr, ginpahayag sini nga wala sang dapat ikabalaka ang mga kunsumedores sang isda bangud sa safe kag preka ang mga isda nga ginabaligya sa mga merkado publiko.
Suno kay director Pendaliday halin sa Davao region ang suplay sang isda nga galunggong, bulinaw kag iban pa nga isda nga ginadala sa nagkalainlain nga merkado kun sa diin wala ini sa sagol nga anuman nga sahi sang chemicals kasubong sang formalin.
Apang, ginahayag sang opisyal nga nagsaka ang presyo sang isda tuga sang malain nga paniempo kag mangin man ang expenses sang mga mangigisda.
Una diri, ginkabalaka sang mga pumuluyo ang natabo nga pagsulod sang tinolada nga mga isda nga galunggong nga may formalin halin sa China kag ginbaligya sang Metro Manila.
