KORONADAL CITY-Naga-irinagaway na suno pa sang mga supply ilabi na sang tubig ang mga pumuluyo sa bahin sang Florida, USA.
Ini ang ginpahayag ni Nelvie Tabelisma Stewart, halin sa Brgy. Topland syudad sang Koronadal kag 4 ka bulan pa lang sa Ford Orange, Florida USA.
Suno kay Nelvie, tuman ang ila preparasyon angot sa pag-igo sang Hurricane Irma kun sa diin hugot nila nga ginasecure ang ila mga puluy-an kag temprano nga nagpamakal sang mga pagkaon agud nga makalikaw nga maubusan sang supply sa tion nga magbaskog pa ang pag-igo sang Hurricane Irma.
Nahibaluan nga ulihi nga nasiplatan ang Category 5 Monster Storm sa bahin sang Caribbean Island kag base sa weather forecast ginalauman nga maga landfall ini sa Florida sa adlaw nga Sabado sa US, Dominggo diri sa pungsod Pilipinas petsa Septiyembre 10.
Kaangot sini may yara na sang Panic buying nga nagaluntad kag tuman ang kakulba sang mga pumuluyo.
Luwas sini, nagakaubos naman ang supply sang gas kag ginakabalak-an man ang malapnagon nga brownout nga magaluntad sa pag-igo sang Hurricane Irma.
