KORONADAL CITY- Nagapadayon ang assessment kag imbestigasyon sang BFP Koronadal sa nagluntad nga sunog sa bahin sang Brgy. New Pangasinan, Koronadal City.
Sa interbyu sang Bombo Radyo Koronadal kay SFO1 Alexander G. Alinsugay- BFP Investigator sang Koronadal, ginpahayag sini nga nag umpisa ang sunog sa panimalay sang pamilya Bermodez sa Purok San Francisco, Brgy, New Pangasinan, Koronadal City.
Sandig sa ila nga inisyal nga imbestigasyon, nagsugod ang kalayo sa nakasaksak nga tablet nga naglupok, apang mas gina paid idan pa gid ang imbestigasyon kung ini lang gid man bala ang tunaan sang sunog.
Ginpahayag pa sang opisyal nga nakapagkit sang total damage ang nasambit nga sunog bangud ang balay ang himu sa light maetrials amo ang nangin tunaan nga madasig lamang nga naglapta ang kalayo.
Yara man sa P581,250 ang total estimated sang BFP.
Samtang sa karon, nagapangayo sang bulig ang pamilya Bermudez bangud wala gid sila sang may nasalbar nga gamit.
Nahibaluan man nga indi lamang ang panimalay sang pamilya Bermudez ang nasunog bangud may nalamita man nga ingod nila nga panimalay.
Maayo na lamang sang napagkit ang casualties apang sa pihak sini padayon ang pagpanawagan sang BFP-Koronadal nga indi pagpabay an ang mga nakasak nga gamit nga wala sang tao ang balay agud malikayan man ang mga sunog.
