Sunflower farm sa South Cotabato, ginakalangkagan sang mga turista

KORONADAL CITY-Ginakalangkagan subong sa probinsya sang South Cotabato ang sunflower farm nga nahamtang sa bahin sang Prk. 3A, Brgy. Poblacion, Tupi South Cotabato.

Nahibaluan nga ang nasambit nga sunflower farm ang mas nangin popular ilabi na sa social media makaligad nga madamo sang mga local tourist ang nagpadulong agud nga magpakuha sang laragway.

Una na nga ginpahayag ni Tupi, South Cotabato Mayor Reynaldo Tamayo Jr. nga isa ang sunflower farm sa nasambit nga banwa nga nagapasanyog sang ila turismo sa nasambit nga banwa.

Samtang sa pihak nga bahin, isa naman ini sa ginapromote subong sang Department of Tourism indi lamang sa South Cotabato apang sa bug-os man nga Rehiyon 12.