KORONADAL CITY – Kasubo kag kanugon sa subong ang nabatyagan sang pamilya sang isa sa mga suldado nga napatay sa Marawi encounter batuk sa Mauter terror group.
Ginkilala ang suldado nga si Cpl. Angelo Estores nga residente sang Pikit, North Cotabato nga katapu sang 5th Mechanize sang AFP.
Sa impormasyon nga ginpalab-ot sang iya himata sa Bombo Radyo Koronadal, pagakaslon na kuntani si Cpl. Estores sa iya nga nobya sa masunod nga bulan sang Hunyo.
Nahibaluan nga may duha ka bata si Cpl. Estores kag ang asawa sini.
Padayon naman ang pagbubo sang simpatiya kag kasubo sa pamilya Estores makaligad nga naguwa ang balita.
Ginakabig naman nga baganihan sang iya pamilya kag mga abyan ang napatay nga suldado.
Samtang, naghatag na sang bulig pinansyal ang LGU Pikit sa pamilya ni Cpl. Estores.
