-- ADVERTISEMENT --
KORONADAL CITY – Gin-turn-over na sang mga pulis sa Municipal Social Welfare and Development Office ang isa ka sultirito nga ila nga gin arestar sa Polomolok, South Cotabato bangod suno pa sa paglapas sa comelec gun ban.
Ini ang ginkumpirmar ni Lt. Col Samuel Cadungon sang Polomolok PNP.
Suno kay Cadungon, ang suspek nga isa ka 16 anyos nga menor de edad ang nagapuyo sa Barangay Rubber sa nasambit nga banwa.
Ginsita suno pa sang mga nagaronda nga pulis ang susspek nga nagalakat sa ila nga lugar sang natalupangdan ang armas na nakasukbit sa hawak sini.
Nakumpiskar sang mga pulis sa suspek ang isa ka 9mm pistol kag tatlo ka mga bala sang nasambit nga armas.
Natalana naman nga pasakaan sang kaso nga paglapas sa Omnibus Election Code ang suspek.
