KORONADAL CITY – Ginapamatud-an sang isa ka 10 anyos nga Grade 5 student nga indi siya agi makaligad nagpaidalom sa pagpatuli sa Bombo Medico 2018 sang Bombo Radyo Philippines kag Star FM.
Sa interbyu sang Bombo Radyo Koronadal kay alyas Jeshrel, biktima siya sang pagpanunlog sang iya mga kaklase bangud indi pa siya tuli kag ginasunlog nga agi gani sang nabatian sini sa Bombo Radyo ang serbisyo nga pagtuli, nagdesisyon ini nga magpaidalom sa nasambit nga operasyon agud pamatud-an sa nagasunlog sa iya nga isa siya ka lalaki.
Sa pihak nga bahin, isa ka 60 anyos nga lolo ang naghangyo nga kakason ang bolitas sa iya kinatawo apang ginpahayag sang mga naga-opera sa pagtuli nga kinahanglan ini sang isa ka minor operation gani pagatilawan suno pa nga ipa-refer ini sa ospital.
Apang tuman ini nga pursigido gani ginhambalan ini nga magpabakuna siya sang anesthesia kag abrihan ang iya kinatawo agud makakas ang bolitas.
Sa pangkabug-osan, nangin tayuyon kag malinong ang pagpatigayon sang Bombo Medico 2018 diri sa siyudad sang Koronadal kun sa diin masobra 2,500 ang nabuligan sang Bombo Radyo Koronadal sa nasambit nga medical, optical, kag dental mission.
