KORONADAL CITY- Ginpaidalom na sa state of calamity ang bug os nga probinsya sang Sultan Kudarat.
Ini ang ginpahayag ni Estella Hallegado- Provincial Agriculturist sang Office of the Provincial Agriculture Sultan Kudarat sa interbyu sang Bombo Radyo Koronadal.
Suno sa iya, mas ginpadayon ang nasambit nga deklarasyon makaligad nga magdeklara sang State of Calamity ang banwa sang President Quirino kag siyudad sang Tacurong .
Dugang pa sini , mas naglala ang resulta sang drought assessment nga kung sa diin madamo gid ang naapektuhan.
Suno sa iya, luwas sa mga naapektuhan nga mga kaumahan o kun sa patag sang agrikultura, nagapadayon man ang pagsuspende sang face to face classes bangud sa tuman nga kainit sang panahon.
Sa karon, ginpasiguro man sang ila nga talatapan nga padayon sila nga magamonitor kag magapadayon ang pagtanyag sang bulig ilabi na sa apektado.
