Patay ang isa ka katapu sang Armed Forces of the Philippines sang ginluthang sa Peñafrancia, Barangay Rosary Heights 11, Cotabato City pasado alas-6:00, Miyerkules sang gab-i.
Ginkilala ni Police Station 2 Commander Capt. Teofisto Ferrer ang biktima nga si Seigfried Racky Flor Alivia, 36-anyos, may asawa nga residente sang Pansacala St, Barangay Rosary Heigths 10, Cotabato City.
Sandig sa report sang kapulisan, papuli na ang biktima sa ila nga puluy-an sakay sang Rusi Rush 125 nga motorsiklo sini sang ginbalabagan sang ginluthang sang wala pa makilala nga suspek.
Naigo ang biktima sa nagkalain-lain nga parte sang iya nga lawas nga gintunaan sang iya nga kamatayon.
Samtang, narekober sanbg SOCO ang apat ka basyo sang caliber 45 pistol.
Nagapadayon naman ang imbestigasyon sang PNP sa pagpangluthang-patay sa biktima.
