KORONADAL CITY-Napuno sang emosyon kag luha ang pagdul-ong sa ulihi nga palahuwayan kay PFC Jobert Hollero ang suldado nga napatay sa Marawi City nga residente sang Barangay Luhib, Lake Sebu, South Cotabato.
Madumduman nga napatay ang suldado sang Hulyo 7 matapos ang apat ka adlaw nga pagkaospital matapos nga maigo sang sniper samtang nga nagapakig-away sa Marawi City batuk sa Maute terror group.
Una sini, ginhatagan sang Provincial Government sang South Cotabato ang nabilin nga pamilya ni Hollero sang P50,000 bilang financial assistance.
Nabilin ni Hollero ang asawa kag isa ka bata sini.
Kun madumduman si Hollero ang ikaduha nga taga South Cotabato ang napatay sa Marawi siege bangud una na nga ginbawian sang kabuhi si PFC Mark Darryl Parba nga residente sang Barangay Carpenter Hill, Koronadal City.
