KORONADAL CITY– Nagapadayon sa karon ang imbestigasyon sang mga otoridad angot sa nagluntad nga pagpangluthang sa isa ka suldado nga Muslim sa banwa sang Datu Odin Sinsuat sa probinsya sang Maguindanao.
Suno kay Police Lt. Col. Sabri Lakibul, hepe sang Datu odin Sinsuat PNP, dead on arrival sa ospital sa Cotabato city si Staff Sergeant Miranda Lumbatan, 45-anyos, may asawa, residente sang Talitay, Maguindanao kag miyembro sang 38th Infantry Battalion Phil Army.
Sa inisyal nga imbestigasyon, halin suno pa sa mosque ang biktima kag pabalik na kuntani sa ila nga detachment sa Sitio Daywan, Bgy Tanuel sang nasambit nga banwa sang gintiro sang wala pa makilalal-an nga mga suspek.
Nagka-angkon sang igo sang bala sa dughan kag abaga ang biktima nga nangin rason sang iya nga kamatayon.
Samtang, nagapati naman ang 6th Infantry Division Phil Army nga mga miembro sang Bangsamoro Islamic Freedom Fighters ukon BIFF suno pa ang nagpatay sa nasambit nga suldado.
Sa ngayon, ginlubong na ang suldado base sa tradisyon nga Islam.
