KORONADAL CITY – Nagakasubo sa subong ang pamilya sang isa ka suldado nga taga-probinsiya sang South Cotabato makaligad nga bawian ini sang kabuhi sa nagapadayon nga engkwentro sa Marawi City.
Ginkilala ang nasambit nga militar nga si Private First Class Jobert M. Hollero, 26-anyos nga residente sang Brgy. Luhib sa banwa sang Lake Sebu, South Cotabato.
Nahibaluan nga nagdugay pa sang apat ka adlaw sa hospital ang suldado makaligad nga maigo sang sniper apang ginbawian man sang kabuhi.
Sa subong nakahaya na ang bangkay sa ila nga puluy-an sa Brgy. Luhib makaligad nga gilayon gindala didto sang 1st Infantry Batallion (IB), 2nd Infantry Division, Philippine Army (PA).
Si PFC Hollero ang kasala sa iya asawa kag may yara sila sang nagaisahon nga bata nga kuntani magaselebrar sang iya kaadlawan sa palaabuton nga HUlyo 17.
