Ginganyat sang grupo sang mga sugar farmers ang gobyerno nga aksyunan ang ginaalegar hoarding ukon pagtago sang mga local traders sang ila produkto nga nagatuga sang artificial shortage kag pagtaas sang retail prices.
Ginpahayag ni United Sugar Producers Federation president Manuel Lamata nga dapat inspeksyunon sang Department of Agriculture, Department of Trade and Industry kag Sugar Regulatory Administration ang mga warehouses ukon bodega agud masabat ang madamo nga reklamo.
Ginapanindugan man sang grupo nga wala sang kakulangan, bangud madamo sang mga kalamay sa bodega sang mga negosyante.
Ginpahayag pa sang opisyal nga wala naapektuhan ang produksyon sang kalamay sa pihak sang nag-agi nga mga bagyo.
Luyag man ni Lamata nga mapasakaan sang kaso nga economic sabotage ang sin-o mapamatud-an nga nagatago sang asukar.
