KORONADAL CITY – Naaresto sang mga otoridad ang isa ka ginakabig nga street level individual matapos makuhaan sang ilegal nga droga sa ginpatigayon nga buy-bust operation sang mga otoridad sa Purok San Pedro, Brgy Poblacion, Tampakan, South Cotabato kaina sang kaagahon, Setyembre 27, 2024.
Ginkilala ni Police Major Gerald F Gervacio, acting chief of police sang Tampakan Municipal Police Station ang nadakpan nga indibidwal nga si alyas “Ed”, 40-anyos, mangunguma kag residente sang Purok Antorium , Brgy Buto, Tampakan South Cotabato.
Suno kay PMaj Gervacio, ala-2:51 sang kaagahon sang naglunsar sila sang operasyon kaupod ang Tampakan MPS, RID, SCPIU, SCPDEU, 1st SCPMFC, 1205th RMFB12 kag PDEA 12.
Nakuha sa suspek ang isa ka pakete sang ginapatihan nga shabu nga may kabug-aton nga 0.152 gramo nga nagakantidad sang Php 1,033.00 kag isa ka Php1,000 bill bilang buy-bust money.
Bangud sini magapangatubang ang suspek sa kaso nga paglapas sa sekyon 5 sang Art.II, RA 9165 ukon Comprehensive Dangerous Drugs Act of 2002.
