Gin-anunsyo ni US President Donald Trump nga ang Strait of Hormuz, isa ka importante nga ruta sang langis, bug-os nga buksan liwat sa Biernes, Hunyo 19.
Ini matapos nga nag-ugyon ang Estados Unidos kag Iran nga tapuson ang giyera sa Middle East, isa ka daku nga tikang padulong sa pagtapos sang binulan nga inaway kag kinagamo sa ekonomiya.
Suno kay Trump, ang mga barko kag mga kargamento sang langis magasugod sa paghalin sa Strait of Hormuz.
Ang Presidente sang Estados Unidos nagsiling man nga wala sia nagahunahuna nga kinahanglan ang daku nga bulig sa pagbukas sang tanel.
Sang Lunes, ginreport sang Iranian media nga tatlo ka oil tankers kag duha ka cargo ships ang nag-agi sa lugar nga ginpaidalom sa US naval blockade.
Samtang, natalana man nga pirmahan sa Biyernes sa Switzerland ang peace agreement sa tunga sang US kag Iran kaupod ang mediator nga Pakistan.
