KORONADAL CITY-Nagapadayon sa karon ang imbestigasyon sang mga katapo sang BFP-Sto Nino, makaligad nga nasunog ang isa ka stock room sa Sto Nino National High School nga kung sa diin sa karon kasamtangan nga ginahiwat ang South Cotabato Provincial Athletic Association Meet.
Sa interbyu sang Bombo Radyo Koronadal kay Sto Niño Mayor Sulpicio Villalobos, ginpahayag sini nga kumpirmado nga nasunog ang nasambit nga stock room sa amo nga buluthuan kag nahibaluan nga amo yadtu ang room sang mga delagates gikan sa banwa sang Polomolok.
Suno sa opisyal, halos ubos tanan ang mga pagkaon kag mga gamit sang nasambit nga mga delagates.
Mga wirings suno pa nga daan na ang rason sang pagkasunog.
Dako naman ang pagpasalamat sa opisyal nga wala sang may napagkit nga mga pilason sa sunog.
Dugang pa sini, ginpasiguro man sang ila nga talatapan nga bayaran kag hatagan sang nagakaigo nga bulig ang mga delegates nga nasunugan gikan sa Polomolok.
Sa karon, padayon ang nasambit nga hinampang, kag ginpasiguro sang alkalde nga indi na maliwat pa ang nasambit nga panghilitabo.
