Nagapadayon ang hot pursuit operation sang Sto. Niño MPS angut sa isa ka suspek nga nakapalagyo matapos niya nga ma buno ang isa ka lalaki nga biktima sa Purok Lapu-Lapu Village, Brgy. Poblacion, Sto. Niño, South Cotabato. Kahapon nga adlaw sang Biyernes, Nobyembre 29,2025.
Ginkilala ang biktima sa kay Raymart Narvasa Custodio, kasado, kag residente sang Brgy. Tuka, Bagumbayan, Sultan Kudarat kag nagaestar sa nasambit nga banwa.
Sandig sa imbestigasyon sang Sto. Niño MPS, nakbataon sila sang tawag halin sa concern citizen nga nagreport nga may biktima sang pagbuno kag padulong sa Clinica Luntao sa Poblacion, Sto. Niño, South Cotabato. Dugang pa sa ila imbestigasyon may natabo nga pag iriniway kung sa diin nag resulta sang pagbuno sa nasambit nga biktima.
Ang suspek madasig naman nga nakapalagyo matapos ang krimen. Padayon ang ginapatigayon nga hot pursuit operation para ma arestar ang suspek may kahilabtanan sa nasambit nga krimen.
