Naghimo sang bag-o nga record si NBA Superstar Stephen Curry sa kadaugan sang Golden State Warriors batok sa Orlando Magic, sa iskor nga 121 – 115.
Si Stephen nakahimo sang 56 ka puntos sa kadaugan sang GS kag nakahimo sang 12 ka 3-pointers halin sa 19 nga iya nahimo sa kabug-usan nga hampang.
Amo ini ang ikatatlo nga higayon nga nahimo ni Curry sa iya karera. Gawas sa impresibo nga tres, si Curry nakahimo man sang tanan nga 12 ka free throws nga ginhatag sa iya.
Base sa mga rekord sang NBA, amo na ini ang ika-45 nga hampang sa karera ni Curry nga nakahimo siya sang siyam o labaw pa nga 3-pointers.
Ini nga rekord amo ang pinakataas sa bug-os nga liga. Suno kay Cury, nakab-ot niya ini nga performance tungod sa pagsalig sang iya mga kaupod sa grupo.
