Wala na natapos ni Stephen Curry ang matchup sa tunga sang Golden State Warriors kag Toronto Raptors pagkatapos siya nga natumba sa hardcourt sa tunga sang 3rd quarter.
Nahitabo ini samtang ginapilit ni Curry nga magsulod sa paint kag maghimo sang perimeter pass, apang samtang ara siya sa proseso, nabangga siya sang Raptors rookie nga si Jonathan Mogbo.
Wala sang gintawagan sang foul kag nagpadayon ang transition, apang sa ulihi ginpa-untat sang temporaryo ang hampang agud dal-on si Curry sa locker room.
Wala na nakabalik si Curry sa hardcourt kag ginpa-MRI ang iya pelvic/tailbone area.
Sa karon, wala pa sang resulta nga ginpaguwa halin sa iya MRI.
Samtang, bisan limitado lang ang oras nga ginpabilin sang sharpshooter sa hampang, nakascore gihapon siya sang 17 points.
Sa ulihi, ang GSW ang nagdaog sa score nga 117 – 114 sa panguna ni defensive specialist Draymond Green.
Naghimo si Green sang 21 points, pito ka rebounds, kag lima ka assist samtang triple-double naman ang ginhatag ni Jimmy Butler: 16pts, 11rebs, 12asst.
