KORONADAL CITY – Nagapangatubang subong sa kaso nga double counts of rape ang isa ka step father makaligad nga ginlugos ang duha ka menor de edad nga bata sang iya live in partner sa North Cotabato.
Ginkilala ang suspek kay alyas Goring nga amo ang naglugos sa 17 kag 14 anyos nga mga biktima.
Sandig sa report, tuig 2010 pa una nga narape ang sadto 11 anyos pa lamang nga biktima nga naglab-ot pa sa apat ka tuig nga pagpangmolestiya sang suspek.
Bangud sa natabo, nagbiya sa poder sang iya ginkilala nga amay sang 2014 ang biktima kag indi na kuntani magpasaka pa sang kaso,apang nahibaluan nga pati ang iya manghud ang makapila ka beses man nga ginlugos sang suspek rason nga nagpangisog na ini sa pagsugid sa kapulisan.
Lubos naman ang paghinulsol sang iloy sang mga biktima nga nakigrelasyon ini sa suspek.
