KORONADAL CITY – Madamo sa aton ang indi katulog kun wala sang electric fan.
Iban gusto nga nakasteady pa sa ila ang electric fan kun sila ang nagakatulog.
Apang, base sa mga eksperto may pila ka mga indi manami nga epekto ang ‘steady’ nga pagpaandar sang electric fan kun nagatulog ang isa ka tawo.
Suno kay Dr. Raj Dasgupta, physician specializing sa internal medicine, pulmonology, critical care, kag sleep medicine sa Southern California, wala sang seryoso nga risgo ang paggamit sang electric fan apang pila ka mga tawo ang maka-eksperyensya sang mga ginakabig ‘irritating symptoms’.
Yari ang pila sa indi manami nga epekto sa paggamit sang fan kada gab-i;
Congestion (ang nagacirculate nga hangin halin sa mga fans ang makapa dry sang baba, ilong kag tutunlan)
Allergies (masami nga madala sa hangin ang mga yab-uk, nga naga-trigger sang allergies).
Gapamala sang mata kag panit.
Muscle aches (makatuga sang muscle cramp ang hangin nga naghalin sa mga electric fan amu nga kis-a, maeksperyensyahan ang masakit nga lawas kun magbugtaw).
Nagakadapat nga ibutang ang electric fan 2 to 3 feet away agud nga maprotektahan kamo sa concentrated airflow.
Importante man nga regular nga tinluan ang fan blades agud masigurado nga indi ini pagtiniran sang yab-uk.
