-- ADVERTISEMENT --
Ginabantayan subong sang state weather bureau ang duha ka low pressure area sa palibot sang Philippine area of responsibility (PAR) sang mga alas 8 sa aga subong nga adlaw, Domingo, Setyembre 15.
Ang una nga LPA sa sulod sang pungsod ara sa 440 kilometro sa sidlangan sang Casiguran, Aurora.
Samtang ang ikaduha naman nadiskubre sa guwa sang PAR nga ara sa 2,145 kilometro sa sidlangan sang Easter Visayas.
Suno sa state weather bureau, indi gid kaayo daku ang posibilidad nga magmugna ini nga bagyo.
Apang, kadam-an sang pungsod mahimo magbaton sang maulap nga panahon nga may pulu-pulong pag-ulan ukon pagkidlat-pagkulog tungod sang southwest monsoon ukon habagat.
