Preparado na sa subong ang pamunuan sang Koronadal National Comprehensive High School (KNCHS) sa ipatigayon nga SOCKSARGEN Regional Athletics Association (SRAA) Meet 2025 sa syudad sang Koronadal.
Ini ang ginpasiguro ni Mr. Sunny Pama- Assistant Principal for Operation sang KNCHS sa interview sang Bombo Radyo Koronadal.
Suno sa opisyal, nakaprepar na ang mga belitting quarters sang walo ka mga division sang bilog nga rehiyon nga maga pasakop sa sports events kag activies sa subong nga tuig.
Dugang niya pa, mangin maayo ang traffic flow sang syudad sa tion nga maga padulong na ang mga delegado sa quarters sang buluthuan.
Mangin maligwa man suno pa ang parking space sang buluthuan nga isa man ka concern sang pila ka mga bisita kag mga ginikanan sang mga kabataan.
Naka preparar man ang mga ini sa tion sang tig-ululan kun mag bunok man ini kadungan sang aktibidad bangud sa maulanon nga paniempo.
Naga preparar man ang Emergency Management Teams sa tion nga may mga untoward incidents nga magluntad sa aktibidad.
Positibo naman ini nga mangin madinalag-on kag malinong ang aktibidad.
Nagsugod naman kahapon Enero 30 2025 ang Regional Enhancement Training cum Accreditation of SRAA meet 2025 sa mga Technical officials sa kada division nga sakop sang Rehiyon.
