Opisyal na nga magtapos ang South Cotabato Regional Athletic Association (SRAA) Meet 2025 sa isa ka matin-aw kag maayos nga closing ceremony sa South Cotabato Cultural Gym subong hapon alas 3:00 Marso 7, 2025.
Suno kay Magdaleno Duhilag Jr, Regional Sports Officer, malampuwasson ang selebrasyon kag nagtapos ang tanan nga sporting events subong aga.
Dugang pa niya, wala man sang major incidents kag seryoso nga injuries nga natala sa sulod sang kompetisyon humalin pa sang Marso 3, 2025.
Bilang sorpresa, magahatag sang espesyal nga handumanan ang host city nga Koronadal para sa tanan nga atleta, coaches, kag delegado bilang pasalamat sa ila partisipasyon.
Igapatigayon man sa sini nga tion ang formal nga turnover sang key of responsibility sa SRAA Meet sa masunod nga host nga rehiyon, nga ginaatipan sang mga opisyal sang DepEd kag lokal nga gobyerno.
Ang SRAA Meet 2025 ang nagapakita sang dedikasyon sang rehiyon sa pagpabakod sang sports development kag pagkabahin sang mga atleta sa mas dako pa nga kompetisyon.
