Naghost sang pinakauna nga “sperm race” sa kalibutan ang Los Angeles, California isa ka pinasahi nga event nga ginatuyo nga himuon nga mas makapainteres kag matukod ang reproductive health samtang ginatubang ang nagapanaog nga fertility rate sa nasambit nga lugar
Gin-organisar ini sang startup Sperm Racing, kag ginhiwat sa Hollywood Palladium sang Abril 26.
Una nga naging kampeonato ang 20-year-old nga si Tristan Milker kag nakabaton sang premyo nga 10,000 dollars ukon 562,350 Philippine Peso.
Ini ang nangin kauna-unahan nga kompetisyon sang sperm motility sa bug-os nga kalibutan.
Ginalauman nga yara sa masobra 1,000 ka tawo ang nag-tipon agud maglantaw sang event, bisan pa nga indi makita sang mata ang mga “racers” ukon sperm cells, apang masaksihan gihapon ang excitement sang kompetisyon.
Ang Sperm Racing amo ang konsepto sang pila ka pamatan-on nga mga milyonaryo halin sa duwa ka nagakontrahan nga unibersidad amo ang University of Southern California kag University of California, Los Angeles.
Gamit ang microscopic cameras, gin-track sang mga organizers ang tagsa ka sperm tubtob ini makatabok sa finish line.
Ang kompetisyon ginhiwat sa tatlo ka rounds agud matumod kon sin-o ang mangin overall champion, kag may play-by-play commentary, instant replay, leaderboards, kag legal nga pagpusta paagi sa mga aprubado nga partners.
