KORONADAL CITY – Hugot nga ginapanindugan ni South Cotabato Governor Reynaldo Tamayo Jr ang iya desisyon angot sa pagpatuman sang ID Tracking System sa Probinsya sang South Cotabato.
Suno sa gobernador, nadismaya ini bangud pila sa mga alkalde sa probinsya ang nagapamalabag sa nasambit nga tikang kun sa diin personal nga interes suno pa ang ila ginahuna-huna subong sa tion sang krisis.
Ginpahayag ni Gov. Tamayo, indi na suno pa dapat pamangkuton ang ginpatuman sini nga executive order bangud ang tinutuyo lamang suno pa sini amo ang mapadasig ang contact tracing sa bug-os nga probinsya.
Liwat nga ginpasiguro sang gobernador nga kabahin lamang ini sa pagpatuman sang contact tracing agud mapadasig suno pa ang pagtumod sa mga suspetsado sang covid-19.
Suno naman kay Vice Governor Vicente de Jesus, apesar ginarespeto niya ang ginpaguwa nga executive order ni Governor Tamayo, mas maayo sa gihapon nga dapat tumanon ang layi kun igapatuman ini.
Kaangot sini, natalana naman ang special session nga igapatigayon takna alas 9 sang aga sa desisyon angot sa isyu sang contact tracing sang probinsya sang South Cotabato.
