Gintawag ni Senate President Vicente Sotto III nga “publicity stunt” kag ‘nuisance suit’ ang petition for indirect contempt nga ginpasang-at ni Atty. Ferdinand Topacio batok sa iya, may kaangtanan sa gina-alegar nga indi parespetar sa hudikatura bangud sa desisyon sang impeachment ni Vice President Sara Duterte.
Suno kay Sotto, ang iya pagbalibad kag pagpakamalaot sa desisyon sang korte ang protektado nga pagpamulong-pulong sa idalom sang Konstitusyon kag indi makabig nga indirect contempt suno sa Rule 71 sang Rules of Court.
Ginpahayag niya nga bilang abogado, dapat may ihibalo si Topacio sa buot-silingon sang indirect contempt, kag ginapahayag ang mga precedent kasubong sang kun sa diin ginpahayag ang kritisismo sa aksyon ukon desisyon sang hukom ang hatagan sang silot kun mapamatud-an nga may kasamtangan nga pamahog sa hustisya.
Ginpahayaga man ni Sotto nga preparado man siya nga magsabat sa petisyon kun magmando ang Korte Suprema.
