KORONADAL CITY – Ginpasiguro sang pamunuan sang Sangguniang Panlalawigan sang South Cotabato nga mangin patas kag magadepende sa merito sang kaso ang pagahimuon nga pagtalakay sa kaso nga administratibo nga ginpasaka batuk sa mga opisyal sang banwa sang Tboli, South Cotabato.
Suno kay Vice Governor Arthur Dodo Pinggoy Jr., isa ka taxpayer nga ginkilala kay Ginang Evelyn Montil Gregorio sang banwa sang T’boli ang nagpasaka sang kaso nga Dishonesty kag Abuse of Authority in accordance with Section 60 of the Local Government Code of 1991 or RA No. 7160 batuk kanday Mayor Keo Dayle Tuan, Vice Mayor Ronnie Dela Peña kag walo pa ka mga Sangguniang Bayan (SB) members nga sanday Councilor Kirk Tuan, Mansueto Dela Peña, Pacifico Cordada, Jr., Falin Kuta, Valerio Fado, Gading Kamblan, Romeo Sugan kag Samuel Haus.
Sa alegasyon sang complainant, nakomiter sang mga opisyal ang dishonest acts kag abusive conduct sang gin-aprubahan sang mga ini ang Resolution No.1 series of 2024 -Tboli Investments Promotion Board (TIPB), dated April 11,2024, a Resolution Ratifying the Implied Grant of Tax Incentives to Crown Jewel Hotel Last 2019 and Municipal Resolution No 53, Series of 2024, dated April 2024, Resolution Ratifying the Implied Grant Tax Incentive to Crown Jewel Hotel of Barangay Poblacion, Tboli, South Cotabato.
Nahibaluan nga si Mayor Tuan ang chairman sang TIPB kun diin ginaaligar nga ginhungod ang pag-aprubar sang resolution matapos nga makabaton sanng Notice of Deliquency and nasambit nga hotel gikan sa Provincial Treasurer’s Officer bangud sa wala mabayaran nga real property tax nga nagalab-ot sa Three Million Three Hundred Twelve Thousand Ninety-Eight Pesos and Twenty-Four Centavos (Php 3,312,898.24).
Sa claim ni Ginang Grogorio, ginpaburan sang LGU Tboli ang Crown Jewel Hotel sang tax incentives paagi sa nasambit nga resolusyon nga epektibo sang 5 ka tuig.
Apang, nagapati ang complainant nga wala naka-comply ang hotel sa nagakaigo nga mga requirement agud mahatagan sang grant sang LGU.
Intensiyon suno pa sang LGU Tboli nga paburan ang hotel bangud ang nagapanag-iya sini amo si Bernadette T. Tuan nga iloy ni Mayor Tuan kag asawa sang anay naman nga alkalde sang nasambit nga banwa.
Kaangot sini, igarefer naman ang nasambit nga reklamo sa Committee on Good Government and Committee on Legal Matters agud malantaw sang maayo kun may merit bala ang reklamo sandig sa ebedensiya nga ginsumiter sang reklamante.
Magadepende naman sa findings sang committee kag recommendation ang mangin resulta sang kaso.
Apang, pagahatagan man sang tsansa nga magsabat ang mga natungdan nga ginpasakaan sang kaso.
Ginpasiguro naman sang bise gobernadora nga independent-minded ang mga katapu sang Sanggunian sa pagtalakay sang nasambit nga kaso kag magsandig sa merito sini.
