KORONADAL CITY-Dako nga kadalag-an para sa probinsya sang South Cotabato nga kabigon ini bilang ika-duha sa Most Competitive province sa ginpatigayon nga 5th Regional Competitiveness Summit nga ginhiwat sa Philippine International Convention Center sa Metro Manila.
Ginapabugal naman sang probinsya nga halin sa 3rd spot, yara na ini sa ikaduha nga pwesto kun sa diin ang Cavite ang yara sa ika tatlo nga pwesto kag ang Rizal ang nakakuha sang first spot.
Samtang sa Cities and Municipalities Competitiveness Index sa Government efficiency sa component cities: ika no. 8 ang syudad sang Koronadal, ika 5 ang Kidapawan City, ika 4 apat ang Tacurong City.
Samtang sa 1st-2nd Class Municipality yara sa ikaduha nga pwesto ang Isulan Sultan Kudara.
Sa Insfrastructure Category sa 1st-2nd Class Municipalities yara sa ika 20 nga pwesto ang Polomolok, 17 ang Isulan Sultan Kudarat kag ika 8 ang Midsayap North Cotabato.
Samtang suno naman kay South Cotabato Governor Daisy Avance Fuentes, mas pasanyugon pa sang tagsa ka LGUs sa probinsya ang performance agud nga makuha ang Top 1 spot kun sa diin magatutok man sa pagpaanyog sang negosyo kag ekonomiya.
