Padayon ang pahanumdom kag pagpaandam sang South Cotabato PNP sa katawhan batok sa ilegal nga operasyon sang KAPA nga naga-operate sa gihapon sa pihak sang ginpaguwa nga cease and desist order sang SEC batok sa nasambit nga investment scam.
Suno kay Col. Joel Limson, Provincial Director sang South Cotabato PNP, nakamonitor sa gihapon ang kapulisan sa mga hilikuton sang nasambit nga investment scam kun sa diin ila nanotisyaran ang padayon nga pagpangganyat sa mga tawo nga mag-invest sa KAPA, apang wala na suno pa sang tawo nga makit-an sa ila talatapan.
Nagakahulogan lamang suno kay Limson nga naklarohan na ang katawhan sa kun ano ang ila ginsudlan ukon pagasudlon salamat sa padayon nga impormasyon nga ginahatag sang media.
Ginpakigbahin man sini nga may mga plano na sila nga pagahimoon sa pag-aresto sa mga katapo sang KAPA apang nagakolekta pa sila sang ebidensiya batok sa mga persona nga imbolbado diri.
Ini makaligad naarestar sa Davao City ang isa sa mga ginasiling nga frontliner sadto sang Kapa nga si Jun Blanco Malaza kun sa diin nagbaliskad ini sa pahayag nga wala na siya sang kaangtanan sa KAPA.
