Nagapadayon sa subong ang ginahimo nga monitoring sang mga Public Employment Service Unit sang South Cotabato sa tanan nga mga Overseas Filipino Workers nga yara sa subong sa bahin sang Middle East tungod sa kinagamo nga kasamtangan nga naga katabo sa lugar.
Sa interview sang Bombo Radyo Koronadal kay Flora G. Montoya-PESU Head South Cotabato ginpahayag sini nga padayon ang ginahimo nga monitoring sang ila nga pamunuan sa tanan nga mga OFW nga taga-South Cotabato.
Ginpahayag man sini nga sa subong wala pa man sila sang mga nabaton nga mga mensahe nga mga naga pangayo sang bulig sa nasambit nga lugar malakigad ang mga makamamatay nga atake sang Iran sa pila ka mga lugar sa Middle East sa diin madamo sang mga pinoy nga naka destino.
Dugang pa sini, masami nga ginapangayuan sang bulig sang mga OFW nga naga kinahanglan sang bulig amu ang mga Municipal kag mga City PESU lakip man ang OWWA kag iban pa nga mga ahensiya.
Padayon man ang ginahimo nga paghatag sang advisory sang ila nga talatapan pinaagi sa pag share kag pag repost sang mga mensahe kag mga abiso sang Gobyerno Nasyonal.
Nagabulig man ang ila nga pamunuan sa pag refer sang mga concerns sang mga OFW sa mga husto nga agencies sang gobyerno agud nga mabuligan ang mga ini sa ila nga ginapangatubang nga mga problema sa luwas.
