KORONADAL CITY – Nagapabilin suno pa nga ASF Free ang kabug-osan nga probinsya sang South Cotabato.
Ini ang ginpahayag ni South Cotabato Provincial Veterinarian IV Dr.Byron Dela Cruz sa interview sang Bombo Radyo Koronadal.
Suno kay Dr.Dela Cruz, wala pa sang may napagkit nga kaso sang African Swine Fever ukon ASF sa probinsya apisar pa nga may insedente na sang pagmarasakit kag pagkalamatay sang mga ginahuptan nga mga baboy.
Dugang pa ni Dela Cruz nga mas ginpahugtan pa nila ang mga Entry kag Exit points,pasulod kag paguwas sa probinsya sang South Cotabato agud matapna ang pagsulod sang makalalaton nga balatian sang mga baboy.
Mahibaluan nga nagapabilin sa Yellow Zone ang Probinsya sang South Cotabato,samtang nagapadayon ang close monitoring pinaagi sa maid-id nga pagpatuman sang Preventive Measures sang PVEt agud mapasiguro nga luwas sa African Swine Fever nga probinsya.
![](https://img.bomboradyo.com/koronadal/2022/06/ASF-MINDANAO-3.webp)