Nagpahayag sang pagpasalamat si Governor Tamayo sa 38th Infantry Battalion (38IB) bangud sa ila nga padayon nga pag inganyo nga mga rebelde nga magbalik-loob sa gobyerno. Ini matapos nga pormal nga nag surrender sa iya ang 16 ka mga rebelde kahapon nga adlaw sang Lunes, Oktubre 27, 2025.
Suno sa gobernador, nagpasalamat man siya sa pag surrender sang 16 ka mga rebelde kag ila nga ginsungka ang ila tagsa-tagsa ka mga long firearms bangud ini ang isa sa mga tinutoyo nga indi na magamit pa liwat. Lakip sa mga gin sungka nga mga armas luthang amo ang M1 Garand rifles, M2 carbines, M653 rifles, improvised M16 rifles, homemade M79 grenade launchers, kag 7.62mm rifles.
Samtang, nagpahayag si Governor Reynaldo S. Tamayo Jr. sang iya bug-os nga suporta sa inisyatibo kag nagpasiguro sa mga FRs kag FVEs sang padayon nga bulig sang gobyerno probinsyal paagi sa mga livelihood packages, edukasyon, kag skills training programs bilang kabahin sang ila reintegrasyon sa ila tagsa ka komunidad.
Padayon naman ang panawagan sang Gobernador sa mga rebelde nga mag balik- loob na sa gobyerno para sa panibag-o nga pagpanga buhi sang malinong.
