KORONADAL CITY- Ginbweltahan ni South Cotabato Governor Daisy Avance Fuentes ang mga progresibo nga grupo kasubong sang KALUHAMIN, KMP kag Gabriela nga nagpatigayon sang hublag protesta sang nakaligad nga lunes sa atubangan sang South Cotabato Provincial Capitol.
Suno gobernadora indi sya exploiter nga tribo bangud ang matuod suno pa nga exploiter amuh ang mga grupo kag organizer sang mga hublag protesta na ginapanghakot ang mga lumad sa kabukiran agud magprotesta.
Ginpakamalaot man sini ang pag-usar sang mga kabataan sa ila nga rally nga nagakadapat kun tani yara sa mga eskwelahan.
Ginpahayag man sang gobernadora nga wala sya sang ginmando nga ipasarado ang 33 ka mga buluthuan sang mga lumad bangud 1 lang suno pa ang ila ginsaway nga amuh naman ang tribal school sa Brgy. Lam Apos Banga na wala sang nagakaigo nga accreditation samtang ang mga estudyante ang lunsay indi man halin sa South Cotabato apang halin pa sa iban nga mga probinsya.
