KORONADAL CITY- Nagpahayag sang iya nga opinyon si South Cotabato Governor Daisy Avance-Fuentes angot sa isyu sang ginapatihan nga dako nga
investment scam subong sa Mindanao ilabi na ang Kapa o Kabus Padatoon nga gintukod sang isa ka Joel Apolinario kun sa diin nilibo na ang nangin myembro.
Suno sa gobernadora, madamo na ini nga na encounter nga mg kasubong nga modus operandi nga nagapangulimbat sang minilyon nga kwarta kun sa diin nagapromisa sang doble ukon triple nga balik sa na invest nga kwarta tubtob sa ulihi di na masarangan nga masustain ang pyramiding scam.
Ginakondinar man ini bangud madamo na sang mga nabiktima nga mas ginpili nga indi na lamang mag reklamo bangud sa kahuy-anan nga dala sini kun sa diin ginkwestyon man kun sa diin magahalin ang 30% nga patong sa kada investment sang biktima sang KAPA kada bulan.
Suno naman kay Board Member Romulo Solivio, dapat mangin mahalong ang mga pumuluyo sa investment nga ginasudlan ilabi na nga malapnagon ang pagpanonto sang Kapa.
Samtang ginkumpirmar naman ni Brother Dodong Adansa sang Seventh Day Adventist church nga gintiwalag na sang ila simbahan si Apolinario bangud sa pag-usar sang pangalan sang simbahan kag pagtuga sang kagamo sa mga myembro bangud sa investment scam.
