KORONADAL CITY – Opisyal na nga gindeklarar ang state of calamity sa bug-os nga probinsya sang South Cotabato bangud sa dengue outbreak.
Ini makaligad naghilisugot ang mga miyembro sang Sangguniang Panlalawigan sa ginpatigayon nga special session kaangot sa nasambit nga krisis.
Sa interbyu sang Bombo Radyo Koronadal kay South Cotabato Assistant Provincial Health Officer Dr. Alah Baby Vingno, nga base sa datos sang Provincial Epidemiology and Surveillance Unit, napagkit na sa kabug-osan nga 3,605 kaso sang dengue humalin sang Enero 1 tubtob Hulyo 19, 2019.
Mas mataas suno pa ini sang 152% kun ikumparar sa kasubong nga tion sang nakaligad nga tuig.
Suno kay Vingno, kapin tanan nga lugar sa probinsya magluwas sa banwa sang Lake Sebu ang nakapagkit sang casualties nga nagalab-ot sa 21.
Gani nagaapela ini sa mga residente nga hugot nga ipatuman ang 4S method agud matapna ang dengue outbreak sa probinsya.
